Haqqımızda

Fəaliyyətdə olduğu dövrdən Xəzər Universitetində Nəşriyyat (Kha­zar University Press) fəaliyyət göstərir.

Xəzər Universiteti Nəşriyyatı - universitetin kitab, jurnal və digər çap məhsullarını, eləcə də kənardan müraciətləri dəyərləndirən və nəşrə hazırlayan bir qurumdur.  

Nəşriyyatın fəaliyyət dairəsinə dərslik, monoqrafiya, konfrans materialları, elmi-tədqiqat jurnalları, tərcümə layihələri (ingilis və başqa dillərdən Azərbaycan dilinə və həmçinin, Azərbaycan və rus dillərindən ingilis və başqa dillərə tərcümə olunmuş kitab və məqalələr), eləcə də bədii ədəbiyyat nəşri daxildir.

Xəzər Universiteti Nəşriyyatı öz məhsulları və fəaliyyəti ilə beynəlxalq aləmdə də tanınır, onun nəşrləri və əməkdaşları bir sıra ölkələrdə sərgi, yarmarka, treninq və digər proqram və tədbirlərdə iştirak edirlər.

Xəzər Universiteti Nəşriyyatı Azərbaycan ISBN agentliyi və Azərbaycan ISMN agentliyi - beynəlxalq kitab və musiqi əsərlərinin standartlaşdırılması Milli Agentliyi kimi də fəaliyyət göstərir. 

"Xəzər Humanitar və Sosial Elmlər Jurnalı", humanitar, sosial, ictimai siyasi sahələr üzrə nəzəri və tətbiqi, ciddi elmi axtarışları, orijinallıq və aktuallığını saxlayan mövzular üzrə elmi məqalələri dərc edir. Eyni zamanda jurnal konfrans, simpozium kimi tədbirlər və kitab şərhlərinə də yer verir. Əsas məqsəd elmdə baş verən yenilikləri beynəlxalq ictimaiyyətə çatdırmaq, yerli və xarici alimlər arasında elmi ünsiyyət qurmaqdır.

1995-ci ildə Universitet qəzeti kimi fəaliyyətə başlayan "Xəzər Xəbər" jurnalı ("Khazar Review") üç dildə - Azərbaycan, ingilis və rus dillərində nəşr olunur (jurnalın hər sayında yazılar təqdim olunduğu dildə - azərbaycan, ingilis və ya rus dillərində dərc olunur).

Dünya, Azərbaycan və universitet həyatı barədə materiallar, müxtəlif elmi və pedaqoji məqalələr, elmi xəbərlər, tələbə həyatı, müəllim və tələbələr tərəfindən yazılan şeir, esse və hekayələrin yer aldığı "Xəzər Xəbər" Azərbaycanda ən çox oxunan elmi-kütləvi və bədii jurnallardan biridir. 2010-cu ildən etibarən "Xəzər Xəbər" fəaliyyətini yeni formatda - ayda bir dəfə dərc edilən 80 səhifəli rəngli jurnal kimi davam etdirir.

"Xəzər Xəbər" jurnalının rəsmi saytı: khazar-review.khazar.org

Əlaqə