Əsas keçidlər
Xəzər Universiteti Azərbaycanda fəaliyyətə başlayan ilk özəl ali məktəbdir. Universitetin öz loqosu, bayrağı, himni var, burada məzunluq tədbirləri xüsusi ənənə ilə keçirilir, məzunlar məzunluq andını söyləyərək and içirlər.
Universitetin himni ilə yanaşı, “Tələbə valsı”, “Dünya məktəbinin mahnısı” Universitetin tədbirlərində daimi səslənən musiqi nömrələridir.
Xəzərimin sahilində əzəmətli Bakımda
Dünyamıza şəfəq saçar Xəzər Universitəm.
Şer, sənət, insaniyyət dərslərindən pay verər,
Kainatın sirrin açar Xəzər Universitəm.
Həyat dolu qucağıdır,
Könlümün saf bucağıdır,
Xoş niyyətlər ocağıdır
Xəzər Universitəm.
Gəncliyimin qaynar çağı,
Dəryaları, uca dağı,
Gül-çiçəkli sevgi bağı
Xəzər Universitəm.
Adı elə bəlli oldu, ölkə-ölkə arandı,
Qucağında pıçıldandı neçə-neçə yar andı.
Məna doldu həyatıma, zirvələrə can atdım,
İlhamımın gur bulağı Xəzərimdən yarandı.
Həyat dolu qucağıdır,
Könlümün saf bucağıdır,
Xoş niyyətlər ocağıdır
Xəzər Universitəm.
Gəncliyimin qaynar çağı,
Dəryaları, uca dağı,
Gül-çiçəkli sevgi bağı
Xəzər Universitəm.
İlham pərim nur çilədi
Göy ümmanın qırağında.
“Xəzər”imi həkk elədi
Ömrümün şah varağında.
Pak əmələ vurulmuşam,
Könül, demə yorulmuşam,
Damla‐damla durulmuşam
“Xəzər”imin sorağında.
Təbiət eşqə düçarmış,
Xəyallar qanad açarmış,
Ulduzlar şölə saçarmış
“Xəzər”imin çırağında.
Ayrılığa dözsəm əyər,
Məftun könlüm qəribsəyər,
Xumar‐xumar gülümsəyər,
Nəğmə deyər fərağında.
Üfüqdə qızartı var,
Geсə yandı-yaxıldı,
Qızılı sarı oxlar
Pənсərəmə taxıldı.
Günəş göydə göründü,
Dünyam nura büründü.
Xəyal gerçəyə döndü,
Gerçək sanki nağıldı!
Təbiətə aşiq ol,
Oxu, yaz, yarat bol-bol,
Gələсəyə gedən yol
Düşünсədi, ağıldı!
"Xəzər Universitetində əldə etdiyim bilik və bacarığı tətbiq edərək ailəm, xalqım və vətənim üçün faydalı olacağıma and içirəm!
Xəzər Universitetinin şərəfini qoruyacağıma and içirəm!"
