İngilis dili və Ədəbiyyatı

İngilis Dili və Ədəbiyyatı departamentinin missiyası dil, eləcə də dilin cəmiyyətin ehtiyaclarına tətbiq edilməsi mövzusunda tələbələrimizə dərin təqdir duyğusu aşılamaqdır.

Tələbələrimizin İngilis Dilinin Tədrisi, Linqvistika, Tərcümə və Ədəbiyyatşünaslıq sahələrinə faydalı töhfələr verə bilməsi üçün lazım olan təməl bacarıqları, yanaşmaları və bilikləri təmin etməyə çalışırıq.

İngilis dili və Ədəbiyyatı departamenti öz missiyasının bir hissəsi olaraq, tələbələri universitetin ingilis dilli akademik mühitində mükəmməl şəkildə çıxış etməyə hazırlaşdıran İngilis Dili Tələbləri proqramını (Xəzər Universitetinə məxsus) tətbiq edir.

İngilis Dili və Ədəbiyyatı departamenti xüsusi təlim mərkəzi olaraq ana dili ingiliscə olmayan tələbələrin dil və kommunikasiya bacarıqlarını inkişaf etdirmələri üçün unikal mühit yaradır.

İngilis Dili və Ədəbiyyatı departamentinin magistratura proqramları Tərcümə, Ümumi və Tətbiqi Dilçilik və Ədəbiyyatşünaslıq üzrə yüksək səviyyəli təhsil verir. Bu proqramların məqsədi bu sahələr üzrə akademik tədqiqatları və tələbələrin akademik cəhətdən inkişafını təşviq etməkdir.

İngilis dili və ədəbiyyatı departamenti Xəzər Universitetinin ən böyük şöbələrindən biridir. Departament 1992-ci ildə yaradılıb. Şöbənin Fakültə tərkibinə Azərbaycanın təcrübəli alimləri və ingilis dili müəllimləri, eləcə də gəlmə professorlar da daxildir.

İngilis dili və ədəbiyyatı fakültəsi tələbələrə güclü dil və ünsiyyət bacarıqları, İngilis və Amerika ədəbiyyatının dərin bilikləri, dilçilik və tərcümə sahəsi daxil olmaqla müvafiq sahələrdə möhkəm biliyə yiyələnmələri üçün əllərindən gələni əsirgəmirlər. Bölmə İngilis, İngilis və Amerika ədəbiyyatı və Dil üzrə ibtidai, orta və yüksək səviyyə kursları təklif edir. İngilis dili kursları, ingilis dili və ədəbiyyatı üzrə bakalavr və magistr proqramlarına daxil olan tələbələrin və Universitetin akademik ehtiyaclarına tam cavab verir.

İngilis dili və ədəbiyyatı bölməsinin məqsədi ingilis dilinin tədrisi proqramında əsas dörd dil bacarıqlarını oxu, yazı, danışma və dinləməni özündə cəmləşdirməklə yanaşı, qrammatik və leksik sistemi ilə əhatə dairəsini geniş təmin etməkdir, İngilis dili əsas təlim dili olduğu universitetdəki bütün səviyyələrdə və məktəblərdə oxuyan tələbələr üçün nəzərdə tutulmuşdur.