Beynəlxalq Təhsil İmkanları Forumunda Xəzər Universitetinin fəaliyyəti “Təşəkkürnamə” ilə mükafatlandırılıb

2023-cü il dekabrın 26-da Elm və Təhsil Nazirliyinin təşkilatçılığı ilə Four Seasons hotelində Azərbaycanda Beynəlxalq Təhsil İmkanları Forumu keçirilib. Forumda yerli ali təhsil müəssisələrinin rektorları, təhsil işçiləri, beynəlxalq ekspertlər və əcnəbi tələbələr, Elm və Təhsil nazirinin müavini Həsən Həsənli, Elm və Ali Təhsil üzrə Dövlət Agentliyinin direktoru Ülkər Səttarova, Xarici İşlər Nazirliyinin Beynəlxalq İnkişafa Yardım Agentliyinin rəisi Elməddin Mehdiyev, Dövlət Miqrasiya Xidmətinin Miqrasiya proseslərini tənzimləmə baş idarəsinin rəis müavini Tamilla Hacıyeva, Xəzər Universiteti Beynəlxalq əlaqələr şöbəsinin müdiri Fatimə Vəliyeva, koordinatorlar Turan Əlizadə və Arzu Bədəlova iştirak ediblər.